Coda di cavallo

Installazione con legno di nocciola

Misure variabili

2022

„Coda di cavallo“ ie n lëur fat da ngrum de steles de lën metudes adum te un maz che taca da lassù ju. La strisces de lën ie de n ca. 2 mm grosses y la plu longes ie de ca. 2 m de lunghëza, cun danterite ngrum de strisces plu curtes. Les ie zipledes cun n pitl bóter, nsci che da una pert ieles mpue turondes.
L nstalazion recorda a ciavëi tachei adum da n codino, semian nsci a na „coda di cavallo“ ngrandida. La coda di cavallo à doi senificac: da una pert possel vester la coda di cavallo de persones cun ciavei lonc, dal autra pert possel vester la coda de n ciaval. Te tramedoi ciamps iel criteres de belëza defrenc: sce danter i paures vel avëi n bel ciaval, iel tl cuntest de belëza tl mond dla moda, tla cultura pop, tl retlam y te n grumon de autri cuntes´c de nosta vita da uni di, i ciavëi suënz ntendui coche aspet estetich dla persona. La frisur ie una de chëla pertes de belëza dla persones, a chëla che l ti vën dà l esprescion y mpurtanza plu suënz. L me sà per chël nteressant a me fé l pensier tant che muda ll cunzet de belëza te cuntes´c de vita defrenc. Chël vel nscila enc per l’ert: sce te na sala mostres ulache ie la disposizions adatedes iel plu saurì udëi la cossa coche ert o scultura, iel te n auter cuntest ulache ne son nia usei a ancunté ert, plu rie, ajache la possa vester ntenduda coch restli de lëur, magasin de material o nscì inant.
Chësc lëur sensibel ie nce da capì tl cuntest dla scultura de lën: sce tla scultura tl lën sons usei a udëi l material che vën salvà dal vester tëu demez, iel tlo avisa l cuntrer. Obiet dl nstalazion ie avisa la steles che vën teutes demez dal toch de lën.